Hindi bababa sa limang law firms ang tutulong sa House prosecution panel sa impeachment trial ni Vice President Sara Duterte.
Ayon sa isa sa prosecutors na si San Juan Rep. Yzabel Zamora, nagpulong sila kahapon para talakayin ang mga paghahanda para sa trial, kabilang na ang paglalatag ng articles of impeachment sa Senate impeachment court sa June 2.
Hindi naman masabi ni Zamora kung ilang private lawyers ang tumutulong sa House prosecution team, basta nasa lima hanggang sampung law firms aniya ang involved.
Kabilang sa mga ebidensyang ipi-prisinta ng prosekusyon ay ang napaulat na fictitious names ng mga tumanggap ng confidential funds mula sa Office of the Vice President at Department of Education.
