Inisyuhan ng show cause order ng Metropolitan Manila Development Authority (MMDA) si Special Operations Group – Strike Force Head Gabriel Go, matapos ipahiya ang isang Police officer sa clearing operation.
Kasabay nito ay ang paghingi ng paumanhin ng MMDA para sa anumang abala na idinulot ng pangyayari sa kanilang nasasakupan.
Itinuturing ng ahensya na magiging learning experience para kay Go at sa MMDA sa pangkalahatan, ang naturang insidente.
Bagaman inilarawan si Go bilang dedicated enforcer, nangako ang MMDA na kung nakagawa ito ng mali, ay kanila itong didisiplinahin.
Idinagdag ng ahensya na dapat ding humingi si Go ng public apology sa Police official sa dinanas nitong pagkapahiya, maging ng pamilya nito.
Tinawag na arogante si Go matapos nitong ipahiya ang pulis na pumayag namang magpa-tiket sa mga awtoridad.
