Nagsagawa ng medical mission si Las Piñas City Rep. at Deputy Speaker Camille Villar sa 5 barangay sa kanyang distrito.
Mahigit sa 200 senior citizens ang nabiyayaan sa free medical check-up at free maintenance medicines, habang masustansiyang pagkain naman ang ipinamahagi sa mahihirap na kabataan.
Ayon kay Villar, bahagi ng kanyang adbokasiya na tiyaking nasa maayos ang kalusugan ng kanyang mga constituents lalo na ang mga “vulnerable citizens.”
Sa panahon aniya ngayon na iba’t ibang sakit ang nagsusulputan, mahalagang siguruhin na nasa malusog na pangangatawan ang lahat ng lolo’t lola, maging ang nanay at tatay.
Nagbibigay din ito ng tulong sa mga buntis at tinutulungan silang maging entrepreneur o kaya ay mahanapan ng trabaho o ikabubuhay.
