Aabot sa dalawang milyong pasahero ang dadagsa sa mga pantalan kaugnay ng nalalapit na paggunita sa Semana Santa, batay sa pagtaya ng Philippine Ports Authority (PPA).
Ayon sa ahensya, mas mataas ito kumpara sa 1.8 million na naitala noong nakaraang Kuwaresma.
Sinabi ni PPA Spokesperson Eunice Samonte na inaasahan ang malaking bulto ng mga pasahero pagsapit ng Lunes Santo at Huwebes Santo.
Idinagdag ni Samonte na kabilang sa limang pantalan na dadagsain ng mga biyahero ay ang Panay Guimaras Port; Batangas Port; Jordan Guimaras Port; Mindoro Calapan Port; at Dumangas Port.
