Nanumpa na sa pwesto ang mga bagong mamumuno sa Technical Education and Skills Development Authority (TESDA), Cagayan Economic Zone Authority (CEZA), at Authority of the Freeport Area of Bataan (AFAB).
Pinangunahan ni Pangulong Ferdinand “Bongbong” Marcos Jr. ang oath taking ni bagong TESDA Director General Suharto Mangudadatu, ngayong araw ng Miyerkules, Hunyo a-7.
Si Mangudadatu ay dating naging gobernador ng Sultan Kudarat, at pinalitan niya bilang TESDA chief si Danilo Cruz.
Samantala, nanumpa na rin si Atty. Katrina Ponce Enrile bilang Administrator at Chief Executive Officer ng CEZA.
Si Katrina Ponce Enrile ay anak ni Chief Presidential Legal Counsel Juan Ponce Enrile.
Nag-oath taking din si former Lanao Del Sur Congressman Mohammed Hussein Pangandaman bilang administrator ng AFAB. —sa ulat ni Harley Valbuena, DZME News
