Pinaglalatag ni Sen. Grace Poe ang mga awtoridad ng sapat na seguridad para sa publiko sa gitna ng mas pinalawig pa na oras ng operasyon ng MRT at LRT-1.
Sinabi ni Poe na welcome development ang kaginhawaang ito sa commuters na pagod sa maghapong trabaho at kadalasang nagmamadali pa para makahabol sa last trip ng tren.
Dapat aniyang matiyak ang sapat at epektibong pampublikong transportasyon lalo’t isasailalim sa rehabilitasyon o pagsasaayos ang EDSA at inaasahang maraming motorista ang mag-iiwan ng kanilang mga sasakyan sa mga tahanan at sasakay ng public transport.
Umapela si Poe na dapat tapatan ng sapat na seguridad, help desks at pagpapanatili ng maayos na pasilidad para sa maginhawang paglalakbay ng mga commuters.
Batay sa advisory, 30 minuto ang inextend na oras ng LRT-1 habang isang oras ang extended na operasyon ng MRT tuwing weekdays.
