Isa lamang mula sa labing isang (11) prosecutors ng Kamara ang magbabasa ng articles of impeachment laban kay Vice President Sara Duterte sa sandaling magpatuloy ang sesyon ng Senado sa June 2.
Ayon kay Iloilo 3rd District Rep. Lorenz Defensor, miyembro ng prosecution panel, nagkasundo na sila kung sino ang magpi-present ng articles sa Senado, subalit hindi niya ito pinangalanan.
Alinsunod sa imbitasyon mula kay Senate President Francis “Chiz” Escudero, ilalatag ng House prosecution ang articles of impeachment sa Senate plenary sa Lunes, June 2, sa pagpapatuloy ng sesyon ng 19th Congress.
Bagaman hindi pa ito ang pormal na pagsisimula ng trial, inaasahan ang Senado na magko-convene bilang impeachment court, sa June 3.
Idinagdag ni Defensor na hindi naman obligado ang lahat ng 11 prosecutors na dumalo sa presentation ng articles of impeachment.
