Naglunsad ang Israel ng unprecedented attack sa Iran, at tinarget ang sentro ng nuclear program at senior military leaders ng bansa.
Ayon kay Israeli Prime Minister Benjamin Netanyahu, tinarget ng “Operation Rising Lion” ang main enrichment facility sa Natanz, na tinawag niyang “The heart of Iran’s ballistic missiles program.”
Iniulat naman ng Iranian State Media, na kabilang sa mga nasawi sa pag-atake si General Hossein Salami, Commander-in-Chief ng Islamic Revolutionary Guard ng Iran.
Samantala, iginiit naman ni US Secretary of State Marco Rubio, na walang kinalaman o tulong ang Amerika sa naturang pag-atake, dahil ang kanilang top priority ay protektahan ang American Forces sa rehiyon.
