Para sa mayorya ng mga Pilipino, nananatili ang Inflation bilang most urgent national concern, batay sa pinakahuling survey ng OCTA Research.
Sa June 26 to July 1 Tugon ng Masa Survey na nilahukan ng 1,200 adult Filipino respondents, 65% ang nagsabing ang pagkontrol sa bilis ng paggalaw ng presyo ng mga bilihin at serbisyo ang dapat unahin ng gobyerno.
Sinundan ito ng alalahanin sa pagkakaroon ng abot-kayang presyo ng pagkain na mayroong 40%; umento sa sweldo, 33%; pag-ahon sa kahirapan, 33%; at libreng dekalidad na edukasyon, 28%.
