Pasok sa price guide ng Department of Trade and Industry (DTI) para sa School Year 2025-2026 ang presyo ng school supplies sa Divisoria, sa Maynila.
Ayon kay Trade Secretary Cristina Roque, mas mababa pa nga sa nakasaad sa guide ang presyo ng ilang gamit sa eskwela.
Ginawa ni Roque ang pahayag, kasunod ng monitoring ng DTI sa presyo ng supplies, kahapon ng umaga.
Naniniwala rin ang Kalihim na hindi magtataas ng presyo ang mga vendor, dahil tiyak na walang bibili sa kanila, lalo’t mataas ngayon ang kompetisyon.
