Lumobo pa ang bilang ng mga apektado ng habagat na pinalakas ng Bagyong Jacinto.
Batay sa tala ng National Disaster Risk Reduction and Management Council (NDRRMC), umabot na sa 143,719 katao o katumbas ng 29,703 pamilya mula sa CALABARZON, MIMAROPA, Regions 5, 9, 12, CARAGA at BARMM ang apektado.
Sa BARMM, mahigit 1,000 katao ang nananatili pa rin sa mga evacuation center habang 54 lugar sa rehiyon ang nananatiling lubog sa baha.
Mahigit 400 kabahayan naman ang nasira sa Zamboanga Peninsula dahil sa matinding sama ng panahon.
