Nagpatupad ang ilang oil companies ng halo’t magkasalungat na price adjustment simula ngayong Martes, Disyembre 2.
Bumababa ang presyo ng diesel ng ₱2.90 kada litro at kerosene ng ₱3.20 kada litro, habang tumaas naman ang presyo ng gasolina ng ₱0.20 kada litro.
Inaasahan ding mag-aanunsyo ng kani-kanilang advisories ang iba pang kumpanya ngayong araw.
Ayon sa Department of Energy, naapektuhan ang global crude prices ng posibleng US-brokered ceasefire sa pagitan ng Russia at Ukraine. Nakatuon rin ang investors sa posibilidad ng oversupply sa pandaigdigang merkado.
