Patay ang 17 katao habang 41 ang sugatan matapos mahulog sa bangin ang sinasakyang truck sa Southwestern Pakistan.
Nangyari ang aksidente alas-10 ng gabi sa hub district ng Balochistan province nang mawalan ng kontrol ang driver ng truck bunsod ng labis na pagpapatakbo o overspeeding.
Patungo sana ang nasawing religious pilgrims sa prayer site noong nagdaang Eid’l Fitr.
Nakaligtas naman ang driver matapos tumalon mula sa truck bago mahulog sa bangin ang sasakyan.
