Binalaan ng isang Toxic Watchdog Group ang publiko laban sa pagbili ng laruang baril na may balang gawa sa Water Beads o Gel Ammunition.
Ayon kay Ban Toxics campaigner Thony Dizon, nababahala sila sa lumalaganap o pagdami ng Gel Blaster Submachine Gun toys sa merkado, bunsod ng potensyal na health and toxicity hazards nito.
Paliwanag ni Dizon, lumalaki kasi ang gel ammunition mula 7 millimeters hanggang 10 millimeters kapag nababad sa tubig.
Ito aniya ay mapanganib sa kalusugan kapag nakain o nabulunan ang mga bata, bunsod ng “Superabsorbent Polymer” content na maaaring maging dahilan para maranasan ang mga sintomas, gaya ng pagsusuka, Dehydration, Infection, Intestinal Blockage, at posible rin na ikamatay.
