Niyanig ng magnitude 5.3 na lindol ang Davao Oriental kaninang alas-8:57 ng umaga.
Naitala ng Philippine Institute of Volcanology and Seismology (PHIVOLCS) ang sentro ng lindol sa layong pitong kilometro sa timog-kanluran ng bayan ng Governor Generoso, na may lalim na labimpitong kilometro at tectonic ang pinagmulan.
Naitala naman ang instrumental intensity 3 sa mga lugar ng Pikit, Cotabato; Don Marcelino Occidental; Nabunturan, Davao De Oro; at Malungon, Sarangani.
Instrumental intensity 2 sa Kidapawan City, Cotabato; Matanao, Davao Del Sur; Davao City; Gingoog City, Misamis Oriental; Kiamba, Sarangani; Tampakan at Koronadal City; South Cotabato; at General Santos City.
Habang instrumental intensity 1 sa Magpaet at Alamada, Cotabato; Magsaysay, Davao Del Sur; Jose Abad Santos, Davao Occidental; Malapatan, Sarangani, Polomolok, South Cotabato; at President Quirino, Sultan Kudarat.
Sa ngayon, inaasahan ng PHIVOLCS na magdudulot ng pinsala ang lindol, kasabay ng pagpapa-alala sa mga residente ng mga apektadong lugar na mag-ingat dahil sa posibleng aftershocks. –sa panulat ni Airiam Sancho
