Habang isinusulong ng pamahalaan ang Digital Philippines agenda, lalo pang pinatitibay ng Globe ang digital foundation ng bansa sa pamamagitan ng pinalawak na imprastruktura, inobasyon sa negosyo, at inklusibong akses.
Ipinapakita ng third-quarter 2025 results ng kompanya ang patuloy nitong pangako sa pagpapalakas ng national competitiveness sa digital era. Tumaas ng 13% quarter-on-quarter ang Corporate Data revenues ng Globe dahil sa mas mataas na demand para sa connectivity, cybersecurity, Internet of Things (IoT), at data center solutions, mga pangunahing haligi ng lumalawak na digital economy.
Kabilang sa mga hakbang sa digital transformation ang ST Telemedia Global Data Centres (Philippines), isang joint venture ng Globe sa STT GDC at Ayala Corporation, na sinimulan na ang operasyon ng unang facility nito, ang STT Fairview 1, kasunod ang pagbubukas ng Cavite 2 site na magdadagdag ng malaking kapasidad para sa hyperscale, AI, at enterprise workloads.
