Sinususpinde ng Metropolitan Manila Development Authority ang implementasyon ng expanded number coding scheme bukas, April 9.
Ipinaliwanag ng MMDA na awtomatikong suspendido ang number coding tuwing regular at special non-working holidays.
Ang April 9 ay idineklarang regular holiday dahil Araw ng Kagitingan.
Payo naman ng MMDA sa publiko na planuhin nang maayos ang biyahe upang maiwasan ang anumang aberya.
Dobleng pag-iingat din anila ang dapat pairalin sa pagmamaneho.
