Bibisita si European Union (EU) High Representative for Foreign Affairs and Security Policy Kaja Kallas sa Pilipinas sa June 1 hanggang 2.
Sa statement ng EU Delegation sa Pilipinas, makikipagpulong si Kallas kina Philippine Coast Guard Commandant, Admiral Ronnie Gil Gavan at National Security Adviser Eduardo Año.
Magtutungo rin ang EU High Representative sa De La Salle University para sa isang town hall meeting, kasama ang mga estudyante at makikipag-usap sa civil society representatives.
Tatapusin ni Kallas na siya ring Vice-President ng European Commision, ang kanyang pagbisita sa pamamagitan ng pulong kasama si Pangulong Ferdinand Marcos Jr. sa June 2.
