Kinumpirma ni Interior Secretary Jonvic Remulla na nagkaroon sila ng pulong ni Chinese Ambassador to the Philippines Jing Quan.
Ayon kay Remulla, sumentro sa pag-uusap nila ng ambassador ang pagresolba sa tensyon sa pagitan ng China at Pilipinas.
Gayunman, nilinaw ng kalihim na hindi nila tinatalakay ang territorial issues sa pulong.
Pinag-usapan anya nila ang mga paraan upang mapalakas ang bilateral relations ng dalawang bansa.
Sa Facebook post naman ng Chinese Embassy, kinumpirmang napag-usapan ng dalawang opisyal ang pagpapalakas ng law enforcement cooperation at pagbabantay sa safety at legitimate rights at interest ng mga Chinese sa bansa.
