Makikipagpulong si Interior and Local Secretary Jonvic Remulla sa Philippine Center on Transnational Crime (PCTC) para maisapinal ang kanilang request para sa Interpol red notice laban kay dating Ako Bicol party-list Rep. Zaldy Co.
Sinabi ni Remulla na ginagawa ng ahensya ang lahat ng posibleng paraan para matiyak ang pag-aresto kay Co, sa kabila ng naharang ang ilang dating pagtatangka dahil sa kawalan ng treaty agreement.
Nakapag-apply na ang National Bureau of Investigation (NBI) para sa red notice laban sa dating mambabatas na iniuugnay sa maanomalyang flood control projects.
Ayon sa kalihim, ang pinakahuling intelligence report na kanilang natanggap hinggil sa kinaroroonan ni Co ay sa Portugal.
