Kinumpirma ng Department of Foreign Affairs (DFA) na nananatiling nakakulong sa isang Immigration facility si dating Philippine Charity Sweepstakes Office (PCSO) General Manager Royina Garma, matapos arestuhin pagdating niya sa San Francisco, noong nakaraang taon.
Ginawa ni DFA Passport Division Assistant Director Charlie Florian Prenicolas ang kumpirmasyon, sa House Quad Committee, na pormal nang tinapos ang kanilang imbestigasyon sa umano’y extrajudicial killings na iniuugnay sa war on drugs ng nakalipas na Duterte administration.
Sinabi ni Prenicolas na nasa detention pa rin sa South Louisiana Immigration and Customs Enforcement Processing Center si Garma dahil hindi pinapayagan ang mga detainee na tumanggap ng mga tawag, alinsunod sa US regulations.
Inihayag din ng DFA official na nagbigay ang Philippine Consulate sa Houston ng kanilang contact information sa US Immigration and Customs Enforcement at hiniling na ipaabot ito sa Retired Police Colonel.
Magugunitang ipinatawag ng QuadComm si Garma, matapos maugnay sa drug war at sa pagpaslang kay PCSO Board Member Wesley Barayuga noong 2020.
