Naghahanda ang defense team ni dating Pangulong Rodrigo Duterte para sa nalalapit na confirmation of charges hearing sa International Criminal Court (ICC) sa susunod na buwan.
Ibinahagi ito ni Vice President Sara Duterte sa kanyang talumpati sa pagtitipon ng Filipino community na kanyang dinaluhan sa Kuwait.
Nakatakdang humarap muli ang dating Pangulo sa ICC Pre-Trial Chamber 1 para sa kanyang confirmation of charges hearing na magsisimula sa Sept. 23 kaugnay ng kasong crimes against humanity.
Isiniwalat din ng bise presidente na naghahanda ang defense team ng kanyang ama para sa panibagong ihahain sa ICC subalit hindi na ito nagbigay ng mga detalye.
