Hindi makikibahagi si dating Pangulong Rodrigo Duterte sa video conference sa kanyang confirmation of charges hearing na itinakda sa February 23, ayon sa kanyang Defense Counsel na si Nicholas Kaufman.
Batay sa nakasaad sa International Criminal Court (ICC) website, isasagawa ang confirmation of charges sa February 23, 5:00 p.m. to 10:00 p.m. oras sa Pilipinas, sa Pre-Trial Chamber I sa Courtroom I.
Ang mga susunod na hearing ay sa February 24, 26, at 27.
Maaring panoorin ang hearing sa mamagitan ng online na may 30-minute delay sa ICC website, Facebook, at YouTube.
Si Duterte ay kasalukuyang nakakulong sa ICC Detention Center sa The Hague, Netherlands, sa kasong crimes against humanity kaugnay ng madugong war on drugs sa ilalim ng kanyang administrasyon.
