Kinumpirma ng Department of Justice na tinanggal na bilang respondents sa mga kaso kaugnay sa flood control anomalies sina dating DPWH district engineer Henry Alcantara at contractor na si Sally Santos.
Ipinaliwanag ni Justice spokesperson Polo Martinez na ang dalawa ay pasok na bilang state witness kaya’t tinanggal na sila bilang respondents sa tatlong malversation at graft cases.
May kaugnayan ito sa flood control projects na kinasasangkutan ng SYMS Construction sa Bulacan.
Mananatili naman sa kaso sina dating DPWH assistant engineers Brice Hernandez, Jaypee Mendoza at ilan pang dating opisyal.
