Dalawampu’t limang (25) lugar sa bansa ang tinayang makaranas ng danger level na heat index o damang init, ngayong Biyernes.
Sa bulletin ng Pagasa, makararanas ng 45°C na heat index ang Infanta, Quezon habang 44°C sa Iba, Zambales; at Ambulong, Tanauan, Batangas.
43°C na damang init naman ang nagbabanta sa Dagupan City, Pangasinan; Cubi Pt., Subic Bay, Olongapo City; San Ildefonso, Bulacan; Sangley Point, Cavite City; Alabat, Quezon; Cuyo, Palawan; at Masbate City.
Samantala, 42°C na heat index ang posibleng maranasan sa Sinait, Ilocos Sur; Laoag, Ilocos Norte; Tuguegarao City, Cagayan; ISU Echague, Isabela; Baler, Aurora; CLSU Muñoz, Nueva Ecija; Tau Camiling, Tarlac;
Gayundin sa Tayabas City, Quezon; Mulanay, Quezon; Calapan, Oriental Mindoro; San Jose, Occidental Mindoro; Daet, Camarines Norte; Legazpi City, Albay; CBSUA-Pili, Camarines Sur; at Butuan City, Agusan del Norte.
