Tuloy pa rin sa paghahanda ang COMELEC para sa 2025 Barangay at Sangguniang Kabataan Elections (BSKE).
Ito ay habang hinihintay ang lagda ni Pangulong Ferdinand Marcos Jr. upang maging ganap na batas ang panukalang palawigin ang termino ng Barangay at SK officials.
Sinabi ni COMELEC Chairman George Garcia na posibleng kapusin sila sa preparasyon kung hindi mangyayari ang inaasahang pagpapaliban sa halalan.
Inihayag ni Garcia na nagpasya silang huwag ilagay ang specific election date sa election forms na gagamitin, kabilang na ang official ballots, statement of votes, election returns, at minutes of voting.
Sakali man aniya na hindi matuloy ang Barangay at SK elections sa Dec. 1, ay magagamit pa nila ang mga forms at hindi masasayang.
