Isinailalim na sa state of calamity ang bayan ng Calayan sa Cagayan bunsod ng matinding pinsalang iniwan ng Super Typhoon Nando.
Sinabi ni Herbert Singun, information officer ng LGU Cagayan, na inaprubahan ng sangguniang bayan ang deklarasyon kahapon.
Nangangahulugan aniya ito na maaaring gamitin ang 30% o mahigit ₱4 milyon mula sa calamity fund ngayong taon na kabuuang ₱13.5 milyon.
Kabilang sa paglalaanan ng pondo ang pagsasaayos sa napinsalang pasilidad gaya ng munisipyo at pamamahagi ng relief goods.
Noong Lunes nag-landfall si Nando sa bahagi ng Cagayan, partikular sa Panaitan Island.
