Binigyan ng PG (Parental Guidance) rating ng Movie and Television Review and Classification Board (MTRCB) ang historical film na Quezon.
Ito’y matapos ang masusing pagrerebyu sa pelikula, base sa buhay ni dating Pangulong Manuel L. Quezon na ginampanan ni Jericho Rosales.
Dahil rated PG ang Quezon, nagtataglay ito ng mga eksenang dapat may patnubay ng magulang para sa mga batang labing-tatlong taong gulang pababa.
Ang Quezon, na palabas na ngayon sa mga sinehan, ay ang ikatlo at huling pelikula sa Bayaniverse franchise ng TBA Studios.
