Handa si dating Executive Secretary Lucas Bersamin na harapin ang anumang formal investigation kaugnay ng umano’y P100-bilyong budget insertions sa 2025 national budget.
Giit nito, wala siyang kinalaman sa mga pondo at mas gusto na harapin ang kaso kung may nakapaghain ng formal complaint kaysa manatiling batay sa akusasyon o “innuendo.”
Matatandaang idinawit si Bersamin matapos banggitin ni Senate President Pro Tempore Panfilo Lacson, batay sa impormasyon mula kay dating DPWH Undersecretary Roberto Bernardo, ang posibleng pagkakasangkot nito sa P100-bilyong budget insertions.
Binanggit ni Bersamin na hindi maaasahan si Bernardo bilang mapagkakatiwalaang source at mariing itinanggi ang anumang pagkakasangkot sa kontrobersiya.
