Pinatawan ng Rain or Shine ng six days suspension without pay si Beau Belga, kasunod ng pagkakasangkot nito sa isang unsanctioned basketball game sa Cebu na nauwi sa rambulan.
Si Belga ay isa sa PBA players na nadawit sa gulo laban sa dayuhang koponan sa exhibition game na ginanap sa Carmen Municipal Gym noong Sabado.
Sa viral video, makikita ang dating forward ng Rain or Shine na si JR Quinahan na sinuntok ang isang foreign player habang ibinato naman ni Belga ang bola.
Inihayag ng Elasto Painters na magsasagawa sila ng sarili nilang imbestigasyon hinggil sa pangyayari.
Obligado ang mga PBA player na humingi ng permiso sa kanilang ball clubs bago sumabak sa exhibition games kapag off season. —sa panulat ni Lea Soriano
