Itinalaga ni Pangulong Ferdinand “Bongbong” Marcos Jr. si Bases Conversion and Development Authority (BCDA) Executive Arrey Perez, bilang bagong President at Chief Executive Officer ng Clark International Airport Corporation.
Ito ay sa listahan ng bagong appointees na inilabas ng Presidential Communications Office, kung saan nakasaad na itinalaga rin si Perez at si Victor Manuel Jr. bilang member ng CIAC Board of Directors.
Bago i-appoint sa CIAC ay nagsilbi si Perez bilang Senior Vice President for Corporate Services Group ng BCDA.
Samantala, nanumpa na sa tungkulin sa harap ni Executive Sec. Lucas Bersamin, ang bagong acting members ng board of directors ng Aurora Pacific Economic Zone and Freeport Authority na sina Ma. Cristina Suaverdez at Rene Tayag.
Pinangalanan din si Samsudin Lintongan bilang Director III ng DMW, at Victor del Rosario bilang Executive Director III. –sa ulat ni Harley Valbuena, DZME News
