Naniniwala ang Armed Forces of the Philippines (AFP) na magkakaroon ng mga recruiting para maparami uli ang mga rebeldeng communist armed group partikular sa mga probinsya ng Norte.
Ayon kay Captain Norman Sorila ng 102 Infantry Battalion, nakatanggap sila ng report mula sa mga asosasyon ng mga magsasaka na may ilang grupo na nagbibigay ng ayuda.
Ito ang pinatotohanan ni Ronald Buyat, dating namumuno sa asosasyon ng mga magsasaka at mangingisda sa Brgy. Maglaoi, Norte sa bayan Currimao na may mga tao na pumunta sa kanila at nagpatawag ng seminar.
Giit ni Buyat, wala siyang balak na pumanig sa makakaliwang grupo pero dahil sa ayuda kaya lamang sila nagpupunta.
Labis naman ang pasasalamat ni Captain Sorila sa ginawang pagtulong ng Department of Trade and Industry sa 29 na mga biktima ng panlilinlang ng CPP-NDF dahil may pagtutuunan na sila ng pansin upang hindi na umasa sa mga ibinibigay ng kung sinu-sinong indibidwal na hindi naman nila kilala. —sa ulat ni Jay de Castro, DZME News
