Mahigit limandaang (500) trabaho ang alok ng Austria sa Filipino skilled workers na naghahanap ng trabaho sa ibang bansa, sa isinagawang Philippines-Austria Friendship Week Mega Job Fair.
Pinangunahan ng Department of Migrant Workers (DMW) ang event sa pakikipagtulungan ng Austrian Embassy sa Maynila, para sa pag-match ng Filipino talents sa kailangang trabaho sa abroad.
Sinabi ng DMW na walong private recruitment agencies ang lumahok, para mag-alok ng 546 job orders sa Austria, sa iba’t ibang industriya, kabilang ang healthcare, hotel and restaurant, customer services at iba pa.
Bahagi rin ng event ang pre-employment orientation seminar para bigyan ng kaalaman ang mga aplikante tungkol sa reyalidad ng pagta-trabaho sa abroad, at pag-iwas sa illegal recruitment at human trafficking.
