Idineklara ni Pangulong Ferdinand Marcos Jr. ang April 1, 2025 bilang regular holiday sa pagdiriwang ng Eid’l Fitr o Feast of Ramadan.
Sa Proclamation No. 839 na inilabas kahapon, tinukoy ni Marcos ang Republic Act no. 9177, na nagde-deklara sa Eid’l Fitr bilang regular holiday sa buong bansa.
Binanggit din nito ang rekomendasyon ng National Commission on Muslim Filipinos na ideklara ang March 31 o April 1 bilang National Holiday.
Ang naturang deklarasyon ay upang hikayatin ang sambayanan na makiisa sa mga kapatid na Muslim sa pagdiriwang ng Eid’l Fitr o ang pagtatapos ng banal na buwan ng Ramadan.
