Nagsagawa ngayong umaga ng kauna-unahang command conference si Acting PNP Chief Lt. Gen. Jose Melencio Nartatez Jr., ilang araw matapos maupo kapalit ni dating PNP Chief Gen. Nicolas Torre III.
Sinimulan ang pagpupulong kaninang 9:00 ng umaga, kung saan ibinaba ni Nartatez ang kanyang mga direktiba para sa direksyon ng kanyang liderato.
Dumalo sa command conference ang mga regional director at iba pang matataas na opisyal ng PNP.
Kabilang sa mga tinalakay ang proactive policing strategies at pagtutok sa integridad ng mga police personnel.
Ipagpapatuloy rin ni Nartatez ang 5-minute response time na nakilala sa pamumuno ni Gen. Torre.
Giit pa ng PNP chief, bahagi ito ng kanilang enhanced managing operations.
