Pinagtibay ng Japan Credit Rating (JCR) ang “A-” rating ng Pilipinas, na may “stable” outlook, bunsod ng resilient economic growth at patuloy na fiscal consolidation ng bansa.
Ayon sa Japan debt watcher, ang ratings ay repleksyon ng mataas at sustained economic growth ng Pilipinas na sinuportahan ng matibay na domestic demand.
Sinegundhan din ito ng mababang lebel na utang panlabas at katatagan sa external shocks na tinulungan ng naipong foreign exchange reserves.
Ang “A-” rating ay indikasyon ng mataas na lebel ng kasiguraduhan na makapagbabayad ang bansa ng utang.
Samantala, ang “stable” outlook naman ay nangangahulugan na malabo pang mabago ang ratings sa inaasahang hinaharap.
