Bahagyang nakabawi kahapon, Nobyembre 13, ang halaga ng piso matapos magsara sa P59 kontra dolyar, mula sa all-time low na P59.17.
Ayon sa mga eksperto, maaaring dulot ng mas mataas na foreign investments at positibong market sentiment ang bahagyang pag-angat, kasunod ng pag-anunsyo ng pamahalaan ng mga bagong economic measures.
Gayunman, nananatiling mahina ang piso dahil sa malakas na ekonomiya ng Estados Unidos at patuloy na pressure sa global markets.
Patuloy namang binabantayan ng Bangko Sentral ng Pilipinas ang galaw ng palitan upang matiyak ang stabilidad ng ekonomiya sa gitna ng dollar volatility.
