11% ng P5.768-T 2024 National Expenditure Program ang popondohan sa pamamagitan ng pag-utang ng pamahalaan.
Ito ay katumbas ng nasa P634.58-B.
Sa press briefing sa Malakanyang, inihayag ni Department of Budget and Management Principal Economist Dr. Joselito Basilio na ito ay consistent sa minimum term fiscal framework.
Ibig sabihin, ang nalalabing 89% ay manggagaling sa revenues o kita.
Sa ngayon ay hindi pa ibinahagi kung saang mga institusyon manggaling ang borrowings o uutanging pondo para matustusan ang national budget.
%Sinabi naman ni Basilio na tulad ng dati ay mananatili sa halos 70% ng total budget ang nakalaan sa socio-economic services, at ang nalalabi ay para sa general administration at defense expenses. –sa ulat ni Harley Valbuena, DZME News
