Pansamantalang kinordonan ng mga awtoridad ang isang planta ng yelo matapos magkaroon ng ammonia leak sa Navotas City, kagabi.
Ito ay para bigyang-daan ang ikakasang masusing imbestigasyon ng Bureau of Fire Protection (BFP) kung bakit nagkaroon ng ammonia leak incident sa 168 Tube Ice sa Brgy. NBBS Kaunlaran.
Matatandaang bandang alas-11:47 kagabi nang mangyari ang insidente kung saan kinailangang lumayo ng ilang residente na malapit sa lugar at agad din naman itong napahupa bandang alas-12:10 ng hating gabi.
Wala namang naitalang naapektuhang residente pero inaalam din kung nakasunod sa mga alituntuntin ang mga operator nito. —sa ulat ni Jay de Castro, DZME News
