Siyam na lugar sa bansa ang posibleng makaranas ng “danger level” na heat index o damang init, ngayong Biyernes.
Sa bulletin ng Pagasa, tinayang makararanas ng 45°C na heat index ang Hinatuan, Surigao del Sur.
Posible namang umabot sa 44°C ang damang init sa Dagupan City, Pangasinan.
Samantala, kabilang sa makararanas ng 42°C na temperatura ang Coron, Palawan; San Jose, Occidental Mindoro; Puerto Princesa City, Palawan; Virac (Synop), Catanduanes; Iloilo City; Dumangas, Iloilo; at Butuan City, Agusan del Norte.
Sa Metro Manila, inaasahang aabot sa 38°C ang damang init sa NAIA Pasay City habang 40°C sa Science Garden sa Quezon City.
