Asahan ang malakihang taas-presyo sa produktong petrolyo sa mga susunod na linggo, sa gitna ng nagpapatuloy na kaguluhan sa Middle East.
Batay sa unang tatlong araw na trading ngayong linggo, inaasahan ng oil industry sources na tataas ang presyo ng gasolina ng P7.09 per liter habang P15.33 sa diesel.
Karaniwang inaanunsyo ang official price adjustments tuwing Lunes, at magiging epektibo kinabukasan.
Una nang nagbabala ang Department of Energy (DOE) na posibleng sumirit ang presyo ng petrolyo bunsod ng pagsasara ng Strait of Hormuz na pangunahing global shipping corridor.
