Nasa 5,000 dynastic officials ang madi-displace kapag naisabatas ang House Bill No. 8389 o “An Act Prohibiting Political Dynasties in National and Local Elective Office.”
Naglabas si Lanao del Sur Rep. Zia Alonto Adiong, chairman ng House Committee on Suffrage and Electoral Reforms, ng datos para patunayan na ang HB 8389 ay may malakas na impact.
Nakipag-ugnayan ang komite sa Socioeconomic Research Bureau (SERB) na nasa ilalim ng Congressional Policy and Budget Research Department (CPBRD) para pag-aralan ang impact nito sa oras na ma-operationalize.
Sa preliminary findings ng SERB base sa election data mula sa COMELEC, ipinakita na may 9,852 out of 17,983 local-level positions o 54.8% ang okupado ng potential dynasts na kabilang sa 4,239 potential dynastic families.
Binigyan diin ni Adiong na sa committee version na second-degree consanguinity/affinity limitation, malinaw na may significant impact ito sa political dynasties.
Sa preliminary findings naman ng CPBRD, kinukumpirma na ang 2nd-degree limit ay kapwa implementable at meaningful.
