Labimpitong (17) lugar sa bansa ang makararanas ng danger-level na heat index o damang init ngayong Huwebes.
Sa bulletin ng Pagasa, inaasahang aabot sa 43°C ang heat index sa Dagupan City, Pangasinan; Coron, Palawan; San Jose, Occidental Mindoro; at Virac (Synop), Catanduanes.
Samantala, kabilang naman sa mga lugar na makararanas ng 42°C na damang init ang ISU Echague, Isabela; Cubi Point., Subic Bay, Olongapo City; San Ildefonso, Bulacan; Cuyo, Palawan; Roxas City, Capiz; at Dumangas, Iloilo.
Gayundin sa Panglao International Airport sa Bohol; Catarman, Northern Samar; Dipolog, Zamboanga del Norte; Zamboanga City, Zamboanga del Sur; CMU Agromet, Musuan, Bukidnon; Cotabato City, Maguindanao; at Butuan City, Agusan del Norte.
Sa Metro Manila, inaasahang aabot sa 41°C ang temperatura sa NAIA Pasay City habang 39°C sa Science Garden sa Quezon City.
