Nasabat ng Bureau of Customs (BOC) ang dalawang shipments na naglalaman ng 12 smuggled na mga sasakyan na nagkakahalaga ng ₱10.8 million sa Manila International Container Port.
Ayon kay BOC-Customs Intelligence and Investigation Services Director Verne Enciso, hinarang ang shipments mula sa Amerika na idineklara bilang “car accessories and supplies,” kasunod ng derogatory intelligence.
Na-detect sa X-ray scans ang mga sasakyan, kaya nagsagawa ng full physical inspection.
Kabilang sa mga kinumpiska ang tig-iisang unit ng 1996 Acura Integra; 1999 Honda Civic; 2002 Honda S2000; 2004 Honda S2000; 2007 Mini Cooper “S”; tatlong units ng 1998 Honda Civic; at apat na units ng 2000 Honda Civic.
