Nasakote ng National Bureau of Investigation – National Capital Region (NBI-NCR) ang 12 Chinese nationals sa Muntinlupa City bunsod ng paglabag sa Republic Act no. 10591 o Comprehensive Firearms and Ammunition Regulation Act.
Dinakip ang mga dayuhan sa dalawang magkasunod na operasyon sa tatlong residential houses sa Ayala Alabang Village sa bisa ng search warrants na inilabas ng Muntinlupa City Regional Trial Court.
Nasamsam ng mga awtoridad mula sa tatlong lokasyon ang sampung pistola na may kasamang magazines at mga bala, taser guns, bulletproof vests, tactical knives at mga posas.
Apat na sasakyan din ang in-impound for verification matapos mabigo ang mga may-ari na magprisinta ng mga kinakailangang dokumento.
