Ginamit sa health-related projects ang ₱60-B na excess funds na ibinalik ng Philippine Health Insurance Corp. (PhilHealth) sa National Treasury, ayon kay Finance Secretary Ralph Recto.
Sa pagpapatuloy ng oral arguments sa PhilHealth funds, sinabi ni Recto na ni-redirect ang ₱60-B para bayaran ang allowances ng COVID-19 frontliners na nasa ₱27.45-B.
₱10-B aniya ang napunta sa social programs for health para mabigyan ng medical assistance ang mahihirap Pinoy.
₱3.37-B ang ginamit sa pagtatayo ng tatlong pasilidad ng Department of Health habang ₱4.1-B ang inilaan para patatagin ang umiiral na DOH facilities.
₱1.6-B ang napunta sa health facilities enhancement program habang ang ₱13-B para pondohan ang government counterpart financing para sa foreign-assisted infrastructure at social determinants para sa health projects.
Samantala, binigyang diin ni Recto na ang ₱89.9-B na ipinag-utos sa PhilHealth na ibalik sa National Treasury ay subsidiya mula sa gobyerno at hindi mula sa kontribusyon ng mga miyembro.
